Bokstan álem chempıony Janat Jaqııanovty SQO ákimi quttyqtady
PETROPAVL. QazAqparat - Soltústik Qazaqstan oblysynyń ákimi Erik Sultanov WBA (Super) jáne IBO dárejeleri boıynsha álem chempıony Janat Jaqııanovqa quttyqtaý hatyn joldady, dep habarlaıdy «QazAqparat» HAA tilshisi óńir ákimdiginiń baspasóz qyzmetiniń málimetterine silteme jasaı otyryp.
«Soltústikqazaqstandyqtardyń jáne jeke ózimniń atymnan Sizdi kásibı rıngtegi jeńisińizben jáne WBA (Super) jáne IBO dárejeleri boıynsha jeńil salmaqta bokstan álem chempıony atanýyńyzben quttyqtaımyn!. Sizdiń jekpe-jegińizdi búkil álem tamashalady. Tabandylyǵyńyz ben sporttaǵy jetistikterińizden jaqsy qanyq sportsúıer qaýym Sizden tek jeńis kútti. Siz óz qarsylastaryńyzdan myqty ekenińizdi osymen 27-shi dáleldep otyrsyz. Sizge shyn júrekten myqty densaýlyq, sáttilik pen jańa sporttyq jetistikterdi tileımin»,-delingen habarlamada.
Oblys ákimi Janat Jaqııanovtyń sportqa endi ǵana den qoıǵan sportshylar úshin úlgi bolǵanyn jáne Qazaqstandy taǵy bir ret álemge tanytqanyn atap ótti.
Aıta keteıik, WBA (Super) jáne IBO dárejeleri boıynsha álem chempıony ataǵy úshin bolǵan jekpe-jek Janat Jaqııanov pen Roýshı Ýorrenniń arasynda 11 aqpan kúni Toledo (AQSh) qalasynda ótti.
