Bokstan álem chempıony urlyq jasaǵany úshin jeti jylǵa sottaldy
ASTANA. QazAqparat - AQSh Federaldyq soty bokstan jartylaı orta salmaqtaǵy burynǵy álem chempıony Djeıms Peıdjdi jeti jylǵa bas bostandyǵynan aıyrý týraly úkim shyǵardy.
Jergilikti baspasózdiń habarlaýynsha, 43 jasar Peıdj San-Frantsıskonyń birneshe bankterin tonaǵanyn moıyndady. Ol ótken jyly qalanyń segiz bankinen 20 myń dollardan astam qarajat urlaǵan.
Ótken jylǵy maýsymda bankte qyzmet isteıtinderdiń biri boksshyny fotosynan tanyp, tutqyndalǵan bolatyn.
Budan buryn da urlyq jasaǵan ol on jyl túrmede otyrǵan. 2001 jylǵy jeltoqsanda Peıdj Atlantadaǵy bankti tonaǵany úshin sottalyp, bostandyqqa 2012 jyly shyqqan edi.
