Bokstan álem chempıony Temirtas Júsipovke Kókshetaýda páter berildi
Aqmola oblysynyń ákimi Ermek Marjyqpaev quttyqtaý sózinde oblysta sport dástúri myqty ekenin jáne sport qozǵalysyn damytý úshin kóp nárse jasalyp jatqanyn atap ótti.
«Biz aqmolalyqtar Temirtastyń jeńisin maqtan tutamyz! Bul erekshe jeńis. Bul erler arasyndaǵy álem chempıonatynda Aqmola oblysynyń alǵashqy altyn medali.Temirtas tájirıbeli sportshy. Osy joǵary marapatqa jetý jolynda ol áskerı qyzmetkerler arasynda eki ret álem chempıonattaryn jeńip aldy. Bul jeńisterdiń laıyqty nátıjesi álem chempıonatynyń altyn medali boldy», - dedi Ermek Marjyqpaev.
Temirtas Júsipovtiń álem chempıony medali Táýelsizdiktiń 30 jyldyǵynda tek aqmolalyqtar úshin ǵana emes, búkil elimiz úshin erekshe syı boldy.
Aımaq basshysy jeńimpazǵa páter kiltin jáne aqshalaı sertıfıkatty tabys etse, al onyń jeke jattyqtyrýshysy Qýanyshbaı Qoqyshevtiń erekshe eńbegi men joǵary kásibıligin atap ótti. Sondaı-aq oǵan da aqshalaı sertıfıkat tapsyryldy.
Eske sala ketsek, Belgradta (Serbııa) ótken XXI álem chempıonatynda aqmolalyq boksshy 48 kelige deıingi salmaq dárejesinde jeńiske jetti. Sheshýshi jekpe-jekte ol Taıland ókili Výttıchaı ıÝrachaıdy jeńdi.