Bokstan álem chempıony Nazym Qyzaıbaı óziniń sport kıimderin shyǵardy
ASTANA. QazAqparat - Qazaqstan tarıhynda tuńǵysh ret bokstan eki dúrkin álem chempıony atanǵan Nazym Qyzaıbaı óziniń sporttyq kıimder jelisin shyǵardy, dep habarlaıdy «QazAqparat» HAA tilshisi.
«NK Team» ataýymen óz isin bastaǵanyn QR jeti dúrkin chempıony óziniń Instagram paraqshasynda habarlady.
«Kózdegen maqsatynda jetken adamdardyń kópshiligi óz týyndylaryn shyǵarýda. Men de súıikti isime óz úlesimdi qosqym keldi», - dep jazdy ol.
Sportshynyń josparlaýynsha, kıimderge «ChampioNKa» belgisimen qatar, rýh beretin sózder de jazylady.
