Bokstan álem chempıony Gennadıı Golovkın kelesi jekpe-jegin Mettıý Maklınge qarsy ótkizedi
ASTANA. 4 sáýir. QazAqparat - WBA jáne IBO nusqalary boıynsha bostan ortasha salmaqta álem chempıony, qazaqstandyq Gennadıı Golovkın kelesi jekpe-jegin 29 maýsymda brıtandyq Mettıý Maklınge qarsy ótkizedi.
Bul týraly Vesti.kz Boxrec.com. saıtyna silteme jasap habarlady.
Qazaqstandyq bylǵary qolǵap sheberi úshin bul bıylǵy jylǵy úshinshi kezdesý jáne WBA belbeýin 8-shi márte qorǵaýy bolmaq. Brıtandyq bolsa sońǵy jekpe-jegin ótken jyldyń 15 qyrkúıeginde ótkizip, gaıtıandyq boksshy Djoashım Alsındi birinshi raýndta nokaýtqa jiberdi. Oǵan deıin Maklın eki jekpe-jekte jeńilgen bolatyn: alǵashqy qarsylasy nemis Felıks Shtýrmǵa, keıin argentınalyq boksshy Serhıo Gabrıel Martıneske.
Alaıda, Golovkın men Maklın komandalary arasyndaǵy kelissózder ázirge aıaqtalmaǵandyǵy habarlanýda. Eger eki tarap oń sheshimge kelse, onda Golovkın men Maklın Nıý-Iorkta qolǵap túıistiretin bolady. Ony NVO telearnasy tikeleı efırden kórsetedi.
Eske sala keteıik, G.Golovkın sońǵy jekpe-jeginde japondyq Nobýhıro Ishıdany nokaýtqa jiberdi.
