Bokstan álem chempıony fýtbol oıynyna 10 mln. dollar tikti
ASTANA. QazAqparat - Ataqty amerıkalyq boksshy kishi Floıd Meıvezer «Denver» - «Sıetl» Ulttyq fýtbol lıgasynyń aqtyq oıynyna iri utys tikti.
36 jastaǵy boksshy «Denver» jeńiske jetetinine senimdi. Oıyn aqpannyń 2-nen 3-ne qaraǵan túni ótedi. Meıvezer bul kezdesýge 10 mıllıon dollar tikti, dep habarlady RBK. Meıvezer - atyshýly boksshy. Onyń laqap aty - Moneymaker. Óz salmaq dárejesiniń úzdigi bolyp tabylady. Óziniń ár kezdesýin shoýǵa aınaldyratyn qasıeti bar. 2 márte chempıon belbeýine qol jetkizgen ol aqshasy bar keısti birge alyp júredi. Keıde bir top adamnyń aldynda sol aqshany shashyp, qundy qaǵaz úshin talasyp, tóbelesken kórinisti tamashalaıtyn ádeti bar. Keıde qoǵam aldynda aqshany órteıdi. Býkmekerlik ortalyqtarda mıllıondap utys tigedi.
Aldyn ala esep boıynsha, bul kezdesý 200 mıllıon dollar kóleminde paıda ákelýi múmkin.
