Bokstan álem chempıony Birjan Jaqypov laýazymdy qyzmetke taǵaıyndaldy

Shymkent qalalyq sport basqarmasy bokstan 2013 jylǵy álem chempıony, Olımpıada oıyndarynyń qatysýshysy Birjan Jaqypov «Shymkent kásipqoı boks túrleri klýby» kommýnaldyq memlekettik mekemesiniń dırektory laýazymyna taǵaıyndalǵanyn jazdy, dep habarlaıdy Kazinform.

Jaqypov Birjan 1984 jyly Ońtústik Qazaqstan oblysy Sozaq aýdany Jartytóbe aýylynda dúnıege kelgen. Óziniń sporttyq mansabyn boks jolyna arnaǵan.

Ol:
- Qazaqstan Respýblıkasynyń Prezıdentiniń Úkimimen «Qurmet» tós belgisimen marapttaldy.
- Bokstan Qazaqstan Respýblıkasyna eńbegi sińgen sport sheberi 2005 jyly OQO «Eń úzdik sportshysy» atandy. 2013 jyly «Qurmet» ordenin ıelendi.
- QR chempıonattarynyń birneshe dúrkin chempıony;
- 2005 jyl Álem chempıonatynyń qola júldegeri;
- 2008 jyl Kýba Olımpıadasynyń jeńimpazy;
- 2008 jyl Álem Kýbogynyń qola júldegeri;
- 2008 jyl Jazǵy Olımpıada oıyndarynyń qatysýshysy - V oryn, Beıjiń (QHR)
- 2010-2014 jyldary jazǵy Azııa oıyndarynyń kúmis júldegeri;
- 2012 jyl Jazǵy Olımpıada oıyndarynyń qatysýshysy - V oryn, London (Ulybrıtanııa)
- 2013 jyl Álem chempıonatynyń jeńimpazy ;
- 2014 jyl XVII Jazǵy Azııa Oıyndarynyń kúmis júldegeri;
- 2015 jyl «AIBA Pro Boxing» jobasy aıasyndaǵy lıtsenzııalyq týrnıriniń jeńimpazy;
- 2016 jylǵy Brazılııada ótken Jazǵy Olımpıada oıyndarynyń qatysýshysy - V oryn.

Aıta keteıik, Jaqypov uzaq jyldar boıy ulttyq quramada 49 keliniń kóshbasshysy atanyp, 32 jasynda Rıo olımpıadasynan keıin sporttyq mansabyn aıaqtaǵan bolatyn.