Bokstan álem chempıondary men júldegerleri qansha syıaqy alady

ASTANA. KAZINFORM — Serbııanyń Nısh qalasynda ótetin bokstan áıelder arasyndaǵy álem birinshiliginiń jeńimpazdary men júldegerleri qansha syıaqy alatyny belgili boldy.

Búgin halyqaralyq boks qaýymdastyǵy (IBA) 2025 jyly Nısh qalasynda (Serbııa) ótetin áıelder arasyndaǵy bokstan álem chempıonatynyń aqshalaı júldesin jarııalady.

Naqtyraq aıtsaq, aldaǵy atalǵan jahandyq dodada jeńis tuǵyrynyń eń bıik satysyna kóterilgen boksshy 100 myń AQSh dollaryna ıe bolady. Al kúmis júldeger atanǵan boksshylar 50 myń, qola medalǵa qol jetkizgen boksshylarǵa 25 myń AQSh dollary kóleminde qarjylaı syıaqy beriletini belgili boldy.

Sondaı-aq, bıyldan bastap bokstan álem chempıonaty tarıhynda alǵash ret shırek fınalǵa ótken barlyq sportshy qarjylaı marapatqa ıe bolmaq. Olarǵa 10 myń dollar kóleminde syıaqy qarastyrylyp otyr.

Esterińizge sala keteıik, Nısh qalasynda ótetin áıelder arasyndaǵy álem chempıonaty 9-16 naýryz aralyǵynda ótedi. 

Atalǵan álemdik dodaǵa Qazaqstan quramasynan el namysyn qorǵaýǵa 12 boksshy attanady.