Bokstan álem chempıonatynyń cegizinshi kúni qalaı qorytyndylandy

TAShKENT. QazAqparat - Ózbekstan astanasy Tashkent qalasynda ótip jatqan álem chempıonatynyń segizinshi jarys kúni, 7 mamyrda Qazaqstan quramasy men olardyń qarsylastary qandaı oıyn kórsetti? Bul týraly QazAqparat tilshisi saraptap kórdi.

El quramasynan Sanjar Táshkenbaı (48 keli) ózbekstandyq Shodıerjon Melıkýzıevti jeńse, Saǵyndyq Toǵambaı taǵy bir ózbekstandyq Shohjahon Abdýllaevqa ese jiberdi.

Álem chempıonatyn Mahmýd Sabyrhan (54 keli) sátti bastap, alǵashqy jekpe-jeginde vengrııalyq Ishtvan Sakýdy jeńdi.

Al, Ózbekstan quramasynan Oıbek Djýraev (54 keli) serbııalyq Tamır Galanovty, Mýjıbıllo Týrsýnov (60 keli) marokkolyq Mohamed Amýtty, Lazızbek Mýllajonov (92 keli) grýzııalyq Gıorgı Chıgladzeni tize búktirdi.

Sondaı-aq, Reseı quramasynan Dmıtrıı Dvalı (54 keli) ıordanııalyq Zaıd Albıtardan, Edmond Hýdoıan (48 keli) marokkolyq Hamza Essaadıden, Vsevolod Shýmkov (60 keli) ázerbaıjandyq Taıfýr Alıevten basym tústi. Oǵan qosa Mýslım Gadjımagomedov (92 keli) qytaılyq Han Sıýechjenıanyń osal tusyn tapsa, Sharabýtdın Ataev kenııalyq Magangý Sabatany qapy qaldyrdy.

Álemdik boksta aldyńǵy qatarda júretin Alehandro Klaro (48 keli) Mozambık elinen kelgen Nordın ıÝssýfony, Iosvanı Veıtııa (54 keli) kenııalyq Bakkarı Hassandy, Erıslandı Alvares (60 keli) domınıkandyq Mıgelıa de la Krýsty jeńdi. Ao Hesýs Ýılıams (86 keli) Mozambıkten kelgen Hýlıo Gabrıelıa Albınony, Hýlıo Sesar La Krýs (92 keli) aýstralııalyq Aıkenny Inaııden basym tústi.