Bokstan Álem chempıonatynnyń saltanatty ashylý rásimi 5 qazan kúni bolady
ASTANA. QazAqparat - Halyqaralyq áýesqoı boks qaýymdastyǵy (AІVA) men Katar memleketi uıymdastyryp otyrǵan álem chempıonatynyń saltanatty ashylý rásimi 5 qazan kúni Doha ýaqytymen 18.00-de josparlanǵan. Álimdik dodaǵa baq synaýǵa kelgen bylǵary qolǵap sheberleri 5 qazan kúni salmaq ólsheý protsesinen ótedi.
6 qazan kúni sharshy alańda boksshylardyń alǵashqy kezdesýleri bastalady. Bastapqy kezeńdegi jekpe-jekterden súrinbeı ótkender senbi, 10 qazan kúni, shırek fınalda baq synaıdy. Al 11 jáne 12 qazan kúnderi keminde qola júldege ıe bolǵan boksshylar jartylaı fınaldyq kezdesýlerin ótkizedi. 13 qazan kúni bir tynyǵyp alǵan sharshy alańnyń serkeleri 14-15 qazan kúnderi álemniń teńdessiz boksshysy ataný úshin bar kúshterin salatyny sózsiz.
15 qazan kúni jeńimpaz ben júldegerlerdi marapattaý rásimi ótedi.
Osy Dohadaǵy álem chempıonatynyń bási joǵary, óıtkeni onda Rıo-de-Janeıroda ótetin Olımpıada oıyndaryna joldamalary sarapqa salynady.
Ulttyq quramanyń bas bapkeri Myrzaǵalı Aıtjanov bastaǵan Qazaq eliniń 8 saıypqyran jigiti osy dodada bar sheberlikterin kórsetip, bıik tuǵyrdan kórinedi degen senimdemiz. Sport jankúıerleri úlken úmit artyp otyr.
QazAqparat buǵan deıin habarlaǵandaı, álemdik dodaǵa attandyrǵan Qazaq eliniń ulttyq quramasynyń tolyq tizimi mynadaı:
52 kelige deıingi salmaqta - Oljas Sáttibaev;
56 kelige deıingi salmaqta - Qaırat Eralıev;
60 kelige deıingi salmaqta - Zákir Safıýllın;
69 kelige deıingi salmaqta - Danııar Eleýsinov;
75 kelige deıingi salmaqta - Jánibek Álimhanuly;
81 kelige deıingi salmaqta - Ádilbek Nııazymbetov;
91 kelige deıingi salmaqta - Vasılıı Levıt;
91 keliden joǵary salmaqta - Ivan Dychko.
