Bokstan álem chempıonatynda Jaına Shekerbekova shırek fınalǵa shyqty

NUR-SULTAN. QazAqparat - Bokstan áıelder arasyndaǵy álem chempıonatynda búgin Jaına Shekerbekova shırek fınalǵa shyqty dep habarlaıdy QazAqparat tilshisi.

Túrkııanyń Ystanbul qalasynda ótip jatqan álem chempıonatynda Jaına Shekerbekova (52 keli) japonııalyq Rınka Kınosıtamen jekpe-jek ótkizdi.

Tóreshiler sheshimimen qazaqstandyq boksshy jarysty jalǵastyrýǵa múmkindik aldy.

Osylaısha el quramasynan besinshi boksshymyz 1/4 fınalǵa shyqty.

Eske salsaq, budan buryn Alýa Balqybekova (48 keli), Karına Ibragımova (57 keli), Valentına Halzova (70 keli), Gúlsaıa Erjan (81 keli) shırek fınalǵa shyqqan edi.

Sondaı-aq búgin el quramasynan Dına Jolaman (54 keli) sharshy alańǵa shyǵady.

Álem chempıonaty 20 mamyrda máresine jetedi.