Bokstan álem chempıonatynda qazaq boksshylary komandalyq esepte 1-shi orynda
ASTANA. QazAqparat - Taıbeıde ótip jatqan jastar men jasóspirimder arasyndaǵy bokstan álem chempıonatynyń 4-shi kúniniń qorytyndysyna sáıkes jalpy komandalyq esepte Qazaqstan 1-shi orynǵa shyqty. Qazaqstan quramasynyń qorjynynda 9 medal bar dep espeteýge bolady, dep habarlady QR Boks federatsııasynan.
Búgin jasóspirimder arasynda 80 keliden joǵary salmaq sanatynda óner kórsetetin Nadıra Maratova jarys jolyna shyǵady. Ol reseılik boksshysy Krıstına Tkachevamen judyryqtasady. Al Jazıra Oraqbaeva (46 keli) bolǵarlyq Emı-Marı Todorovamen, Merýert Rýslanqyzy (50 keli) túrkııalyq Aıten Kýmentormen sharshy alańda kezdesedi.
Al jastar arasynda Balaýsa Muzdyman (54 keli) taılandtyq Rachanok Aýntahobpen, Lıýbov Hasıeva (75 keli), túrkııalyq Býsenaz Sermenelımen, Nazym Işanova (60 keli) brıtandyq Shon Vaıtvell, al Qazaqstan quramasynyń kapıtany Baıan Aqbaeva (69 keli) túrkııalyq Aıdemır Gızemmen judyryqtasady.
Aıta keterligi, qazirgi ýaqytta Qazaqstannan bólek Reseıde - 8, AQSh-ta - 4, Qytaı, Úndistan, Mońǵolııada - 3-ten, Polsha, Taıland, Túrkııa, Ýkraınada - 2-den, Ázerbaıjan, Qytaılyq Taıbeı, Domınıkan, Vengrııa, Irlandııa, Koreıada - 1-den medal bar deýge bolady.
