Bokstan álem chempıonatynda Karına Ibragımova shırek fınalǵa shyqty

YSTANBUL. QazAqparat - Búgin bokstan áıelder arasyndaǵy álem chempıonatynda Karına Ibragımova shırek fınalǵa shyqty, dep habarlaıdy QazAqparat tilshisi.

Túrkııanyń Ystanbul qalasynda ótip jatqan álem chempıonatynda Karına Ibragımova (57 keli) Djennıfer Fernandespen qolǵap túıistirdi.

Tóreshiler biraýyzdan qazaqstandyq boksshynyń jeńisine qoldaý bildirdi. Osylaısha ol shırek fınalǵa joldama aldy. Oǵan Valerııa Eroshenko (Ýkraına) men Mıkaela Ýolsh (Irlandııa) jubynyń jeńimpazy qarsylas atanady. Jekpe-jek 16 mamyrǵa belgilengen.

Eske salsaq, budan buryn Valentına Halzova (70 keli) men Gúlsaıa Erjan (81 keli) jarystyń atalǵan satysyna shyqqan bolatyn.

Álem chempıonaty 20 mamyrda máresine jetedi.