Bokstan álem chempıonatynda 4 qazaqstandyq boksshy jartylaı fınalǵa shyǵyp, I.Dychko besinshi olımpıada joldamasyna ıe boldy
TANA. 6 qazan. QazAqparat - 5 qazan kúni Qazaqstan boksshylary Ádilbek Nııazymbetov, Ǵanı Jaılaýov, Serik Sápıev pen Ivan Dychko óz qarsylastarynan basym túsip, álem chempıonatynyń jartylaı fınalyna shyqty.
Sonymen qatar Ivan Dychko osy chempıonatta besinshi olımpıada joldamasyn jeńip aldy, dep habarlaıdy Qazaqstan boks federatsııasynyń baspasóz qyzmeti.
Al Danabek Sýjanov pen Vasılıı Levıt ókinishke oraı jarystan shyǵyp qaldy.
Ádilbek Nııazymbetov qytaılyq sportshy, byltyrǵy Azııa oıyndarynyń júldegeri Men Fanlongpen kezdesip, qarsylasynan basym tústi. Endi jartylaı fınalda Ádilbek Nııazymbetov ózbek boksshysy Elshod Rasýlovpen qolǵap túıistiredi.
Jartylaı fınalǵa shyqqan taǵy bir jerlesimiz Ǵanı Jaılaýov 11:10 esebimen qarsylasynan basym tústi.
Al komanda kapıtany Serik Sápıev AQSh bosshysy Errol Spenspen sharshy alańǵa shyqty. Serik Sápıev 20:10 esebimen abyroıly jeńiske qol jetkizdi. Endi ol lıtvalyq sportshymen kúsh synasady.
Álem chempıonatynda jarylaı fınalǵa shyqqan taǵy bir otandasymyz Ivan Dychko ótken jyly jastar arasynda ótken álem chempıonatynyń jeńimpazy, horvatııalyq bokshysy Fılıpp Hrgovıchpen kezdesip, 20:16 esebimen alǵa shyqty.
Álem chempıonatynyń jartylaı fınaly 7 qazan kúni ótedi, al búgin, 6 qazan - chempıonatta demalys kúni bolyp esepteledi.
