Bokstan álem chempıonatyn «Qazsport» telearnasy tikeleı efırde usynbaq
ASTANA. QazAqparat - Búgin Qatar memleketiniń astanasy Dohada bokstan álem chempıonaty bastaldy. Sport jankúıerleriniń nazaryn aýdarǵan osy dodaǵa qazaq eliniń de bylǵary qolǵap sheberleri qatysady. Osy oraıda, qazaqstandyq jankúıerlerge «Qazsport» telearnasy úlken syılyq jasap otyr. Bokstan ótip jatqan jahandyq básekeni el turǵyndary tikeleı efırde kórý múmkindigine ıe bolmaq.
«Qazsport» telearnasy álem birinshiliginiń irikteý kezeńindegi tartysty básekelerdiń barlyǵyn da erteń, 6 qazannan bastap kórsetýdi josparlap otyr. Astana ýaqytymen saǵat 17.00-de «Qazsport» telearnasy alǵashqy kórsetilimin tikeleı efırde bastaıdy dep kútilýde.
Sonymen qatar sport salasyn nasıhattaıtyn birqatar elderdiń telearnalary da, halyqaralyq telekompanııalar da osy álem chempıonatyn kórsetpekshi. Mysaly, álemniń biraz eline habar taratyp otyrǵan «Setanta Sport» telearnasy da boks dodasyn 10 qazannan bastap kórsetýdi josparlap otyr.
Bul álem chempıonatynda ulttyq quramanyń bas bapkeri Myrzaǵalı Aıtjanov bastaǵan qazaq eliniń 8 bylǵary qolǵap sheberi qatysady.
