10:00, 15 Qyrkúıek 2019 | GMT +5
Bokstan álem chempıonaty: Tursynbaı Qulahmet qarsylasyn aıqyn basymdyqpen utty
NURSULTAN. QazAqparat - Reseıdiń Ekaterınbýrg qalasynda ótip jatqan bokstan álem chempıonatynda jerlesimiz Tursynbaı Qulahmet alǵashqy jekpe-jegin jeńispen bastady. Ol alǵashqy aınalymda chehııalyq Mılot Bartldy jeńdi dep habarlaıdy QazAqparat.

75 keli salmaq dárejesinde synǵa túsip jatqan Tursynbaı Qulahmet chehııalyq boksshyny ońaı jeńdi. Ol ekinshi raýndta qarsylasyn nokdaýnǵa jiberdi. Qazaqstandyq boksshynyń nyq soqqylaryna oraı tóreshiler jerlesimizdiń jeńisine de kúmán keltirgen joq.
Qazylar biraýyzdan Tursynbaı Qulahmetti jeńimpaz dep tanydy.
Aıta keteıik, keshe rıngke shyqqan qazaqstandyq boksshylar túgeldeı kelesi aınalymǵa ótti. Tursynbaı Qulahmetten bólek, 52 kelidegi Sáken Bıbosynov pen Zákir Safıýllın de álem chempıonatyn odan ári jalǵastyrady.