Bokstan álem chempıonaty: Serik Temirjanov jartylaı fınalǵa shyǵa almady

ASTANA. QazAqparat – Tashkent qalasynda bokstan erler arasynda ótip jatqan álem chempıonatynda Serik Temirjanov jartylaı fınalǵa shyǵa almady, dep habarlaıdy QazAqparat tilshisi.

Belgradta 2021 jyly ótken álem chempıonatynyń kúmis júldegeri S.Temirjanov 57 kelige deıingi salmaqta kýbalyq, 21 jastaǵy Saıdel Ortamen judyryqtasty.

Birinshi raýndta tóreshilerdiń tórteýi upaıdy kýbalyqqa berdi. Ekinshi kezeńde S.Orta basymdyqty kúsheıtti. Jekpe-jek sońynda S.Temirjanov tipti eskertý aldy. Esep 5:0, kýbalyq sportshynyń paıdasynda.

Búgin shırek fınalda qazaqstandyq taǵy alty boksshy rıngke shyǵady.

Eske sala keteıik, budan buryn bokstan ulttyq qurama kapıtany Aslanbek Shymbergenovtiń shırek fınalǵa shyqqanyn jazǵan edik.

Sondaı-aq Nurbek Oralbaı men Mahmud Sabyrhan shırek fınalǵa joldama aldy.

Qytaı quramasyndaǵy qazaq boksshysy álem chempıonatynda qarsylasyn nokaýtpen utty.

Dýlat Bekbaýov shırek fınalǵa ótti, al Nurqanat Raıys shırek fınalǵa shyǵa almady.