Bokstan álem chempıonaty: Serik Temirjanov shırek fınalǵa shyqty

ASTANA. QazAqparat - Tashkent qalasynda erler arasynda ótip jatqan bokstan álem chempıonatynda Serik Temirjanov shırek fınalǵa shyqty, dep habarlaıdy QazAqparat tilshisi.

Álem chempıonatynyń kúmis júldegeri Serik Temirjanov 57 kelige deıingi salmaqta majarstandyq Roland Vereshpen judyryqtasty.

Qazaqstandyq boksshy tóreshilerdiń biraýyzdan sheshimimen jeńiske jetti.

Bul - onyń osy birinshiliktegi ekinshi jekpe-jegi edi.

Eske sala keteıik, budan buryn Dýlat Bekbaýovtyń kelesi kezeńge ótkenin jazǵan bolatynbyz.

Sondaı-aq Ózbekstan quramasyndaǵy qazaq jigiti jeńiske jetti. Al ulttyq qurama kapıtany Aslanbek Shymbergenov 1/8 fınalǵa ótti.

Sáken Bıbosynov bokstan álem chempıonatynda jeńilip qaldy.