Bokstan álem chempıonaty: Serik Temirjanov 1/8 fınalǵa joldama aldy

NUR-SULTAN. QazAqparat - Serbııa astanasy Belgrad qalasynda ótip jatqan bokstan álem chempıonatynda búgin el quramasynan Serik Temirjanov jarystyń kelesi satysyna shyqty, dep habarlaıdy QazAqparat tilshisi.

Serik Temirjanov (57 keli) 1/16 fınalda japonııalyq Reıto Tsýtsýmımen sheberlik baıqasty.

Jekpe-jek barysynda Serik senimdi oıyn kórsetti. Ekinshi raýndta qarsylasyn nokdaýnǵa jiberdi. Úshinshi raýndta da jınaqy qımyldady. Tóreshiler qazaqstandyq boksshynyń jeńgenine qoldaý bildirdi. Osylaısha ol 1/8 fınalǵa joldama aldy.

Budan buryn Serik mońǵolııalyq Enh-Amar Harhýýmdy qapy qaldyrǵan edi.

Sondaı-aq, búgin elorda ýaqytymen 00:00-de Abylaıhan Júsipov (67 keli) venesýelalyq Krıstıan Palasıomen kezdesedi.

Eske salsaq, ulttyq qurama sapynda Temirtas Júsipov (48 keli), Mahmýd Sabyrhan (54 keli), Samatalı Tóltaev (60 keli), Sanatalı Tóltaev (63,5 keli), Nurbek Oralbaı (80 keli), Aıbek Oralbaı (92 keli) sharshy alańǵa shyqqan joq. Al Sáken Bıbosynov (51 keli), Abylaıhan Júsipov (67 keli), Nurqanat Raıys (75 keli alǵashqy jekpe-jeginde jeńiske jetti.

El quramasynan keshe Bek Nurmaǵambet (86 keli) 1/16 fınalda brazılııalyq Keno Machadoǵa ese jiberdi.

Al búgin Nurlan Saparbaı 92 keliden joǵary salmaqta ıspanııalyq Aıýb Gadfa Drıssıge jol berdi.