Bokstan álem chempıonaty: Sanatálı Tóltaev jeńisti joldy jalǵastyrdy

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda shırek fınalǵa shyqqandar qataryna taǵy bir qazaqstandyq qosyldy, dep habarlaıdy QazAqparat tilshisi.

Sanatálı Tóltaev (63,5 keli) ýkraınalyq Denıs Pesotskıımen qolǵap túıistirdi. Kezdesý barysynda qazaqstandyq boksshy shıraq qımyl kórsetti. Nátıjesinde ol tóreshiler sheshimimen jeńiske jetti. Osylaısha shırek fınalǵa shyqqan qazaqstandyq sportshylar qataryn tolyqtyrdy.

Sondaı-aq, búgin Serik Temirjanov (57 keli), Abylaıhan Júsipov, Nurqanat Raıys (75 keli), Sáken Bıbosynov (51 keli) shırek fınalǵa joldama aldy.

Búgin endi el quramasynan Nurbek Oralbaı (80 keli) saıysqa túsedi.

Eske salsaq, budan buryn jarystyń atalǵan satysyna Temirtas Júsipov (48 keli), Mahmýd Sabyrhan (54 keli), Samatálı Tóltaev (60 keli) jáne Aslanbek Shymbergenov (71 keli) shyqty.