Bokstan álem chempıonaty: Nurlan Oralbaı qarsylasyn aıqyn basymdyqpen jeńdi

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda búgin, Nurbek Oralbaı alǵashqy jekpe-jegin sátti ótkizdi, dep habarlaıdy QazAqparat tilshisi.

Qazaqstandyq boksshy 80 keli salmaqta 1/16 fınalda brazılııalyq Isaıas Fılo qolǵap túıistirgen edi.

Jekpe-jek barysynda Nurbek jınaqy qımyl kórsetti. Qarsylasyna kóbirek soqqy jumsap úlgerdi. Tóreshiler onyń aıqyn basymdyqpen jeńgen dep laıyqty baǵasyn berdi.

Nurbek 1/8 fınalǵa joldama aldy.

Aıta ketsek, budan buryn Temirtas Júsipov (48 keli), Mahmýd Sabyrjan (54 keli), Samatáli Tóltaev (60 keli), Aslanbek Shymbergenov (71 keli), Nurqanat Raıs (75 keli), Aıbek Oralbaı (92 keli) jarysty jalǵastyrýǵa múmkindik aldy.

Al Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.

Al keshki sessııada Sanatáli Tóltaev (63,5 keli) moldovalyq Vasılıı Chebotarmen kezdesedi.