Bokstan álem chempıonaty: Nurbek Oralbaı Eýropa chempıonynan basym tústi

ASTANA. QazAqparat - Ózbekstan astanasy Tashkent qalasynda ótip jatqan álem chempıonatynyń besinshi jarys kúninde Nurbek Oralbaı (80 keli) alǵashqy jekpe-jegin ótkizdi, dep habarlaıdy QazAqparat tilshisi.

Qazaqstandyq sportshy ázerbaıjandyq Murad Allahverdıevpen qolǵap túıistirdi. Qarsylasy jastar arasynda Eýropa chempıony atanǵan.

Jekpe-jek barysynda Nurbek jınaqy qımyl kórsetti. Nátıjesinde tóreshilerdiń biraýyzdan sheshimimen qarsylasynan basym tústi.

Endi el quramasynan onyń aǵasy Aıbek Oralbaı (92 keli) ıtalııalyq Azız Abbes Mýhııdınmen sheberlik baıqasady.

Sondaı-aq, búgin Serik Temirjanov (57 keli) alǵashqy jekpe-jeginde jeńiske jetti.

Aıta ketsek, qazirge deıin el quramasynan Talǵat Syrymbetov (60 keli) Sanatálı Tóltaev (63,5 keli) jarys jolynan shyǵyp qaldy.