Bokstan álem chempıonaty: Mılana Safronova shırek fınalǵa shyqty
NUR-SULTAN. QazAqparat - Reseıdiń Ýlan-Ýde qalasynda ótip jatqan bokstan qyzdar arasyndaǵy álem chempıonatynda búgin qazaqstandyq Mılana Safronova shırek fınalǵa joldama aldy, dep habarlaıdy QazAqparat tilshisi.
Mılana Safronova 64 kelide sharshy alańǵa Botsvanadan kelgen Aratva Kasemangpen qolǵap túıistirdi. Jekpe-jek barysynda qazaqstandyq boksshynyń basymdyǵy aıqyn ańǵarylyp turdy. Nátıjesinde tóreshiler biraýyzdan onyń jeńiske jetkenine uıǵarym jasady.
Esterińizge sala ketelik, álem chempıonatyna qazaqstandyq on boksshy bardy . Olardyń arasynan 3 qazanda Nazym Qyzaıbaı (51 keli) japon sportshysy Namıkı Tsýkımıden, Alýa Balqybekova (48 keli) ózbekstandyq Gúlasal Sýltonalıevadan jeńilip qalǵan edi.
Alǵashqy jekpe-jekterinde Aıjan Qojabekova (57 keli), Rımma Volosenko (60 keli), Darıǵa Shákimova (69 keli), Aqerke Baqytjan (75 keli), Farıza Sholtaı (81 keli) qarsylastarynan basym tústi.
Foto: www.kfb.kz
