Bokstan álem chempıonaty: Mahmýd Sabyrjan 1/16 fınaldy eńserdi

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda qazaqstandyq Mahmýd Sabyrjan jarystyń kelesi satysyna ótti, dep habarlaıdy QazAqparat tilshisi.

Mahmýd Sabyrjan (54 keli) 1/16 fınalda Ońtústik Koreıadan kelgen In Kıý Kımmen qolǵap túıistirdi. 20 jastaǵy qazaqstandyq sportshy sharshy alań tórinde ózine senimdi óner kórsetti. Qarsylasyna soqqyny kóbirek jumsady. Nátıjesinde tóreshiler ony biraýyzdan jeńimpaz tanydy.

Sondaı-aq, búgin Aıbek Oralbaı (92 keli) polshalyq Mateýsh Bereznıtskımen qolǵap túıistiredi.

Odan keıin Samatálı Tóltaev (60 keli) taılandtyq Hýnatıp Pıdnýchpen sheberlik baıqassa, Aslanbek Shymbergenov (71 keli) ózbek sportshysy Shahram Gııasovpen kezdesedi.

Eske salsaq, ulttyq qurama sapynda ázirge Temirtas Júsipov (48 keli), Sanatalı Tóltaev (63,5 keli), Nurbek Oralbaı (80 keli) sharshy alańǵa shyqqan joq.

Al Sáken Bıbosynov (51 keli), Nurqanat Raıys (75 keli) alǵashqy jekpe-jeginde jeńiske jetse, Serik Temirjanov (57 keli) jáne Abylaıhan Júsipov (67 keli) jarystyń eki satysyn artta qaldyrdy.

El quramasynan Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.