Bokstan álem chempıonaty: Mahmud Sabyrhan ekinshi jekpe-jegin sátti ótkizdi

ASTANA. QazAqparat – Tashkent qalasynda bokstan erler arasynda ótip jatqan álem chempıonatynda Mahmud Sabyrhan ekinshi jekpe-jegin sátti ótkizdi, dep habarlaıdy QazAqparat tilshisi.

Álem chempıonatynyń kúmis júldegeri M.Sabyrhan 54 kelige deıingi salmaqta úndistandyq Sachın Sıvachpen qolǵap túıistirdi.

Birinshi raýndta bes tóreshi jeńisti Mahmudqa bergenimen, ekinshi kezeńde tarazy basy úndistandyq boksshyǵa sál aýdy. Degenmen úshinshi raýndta qazaqstandyq sportshy tizgindi qaıta qolǵa aldy.

Osylaısha, M.Sabyrhan 5:0 esebimen jeńiske jetip, shırek fınalǵa joldama aldy.

Búgin sondaı-aq qazaqstandyqtar Dýlat Bekbaýov (67 kg), Nurqanat Raıys (75 kg) Tashkent rıngine shyǵady.

Eske sala keteıik, budan buryn bokstan ulttyq qurama kapıtany Aslanbek Shymbergenovtiń shırek fınalǵa shyqqanyn jazǵan edik.

Sondaı-aq Nurbek Oralbaı shırek fınalǵa joldama aldy.