Bokstan álem chempıonaty: Qazaqstandyqtardyń qarsylastary anyqtaldy
NUR-SULTAN. QazAqparat - Polshanyń Keltse qalasynda ótip jatqan jastar arasyndaǵy álem chempıonatynda fınalǵa shyqqan qazaqstandyq boksshylardyń qarsylastary anyqtaldy, dep habarlaıdy QazAqparat Qazaqstan boks federatsııasyna silteme jasap.
Esterińizge sala ketelik, fınalda jigitter arasynda -tórt, qyzdarda eki boksshy saıysqa túsedi. Aqtyq syn jekpe-jekteri 22 jáne 23 sáýir kúnderine belgilengen.
Erteń, 22 sáýirde qyzdar sharshy alańǵa shyǵady. Besinshi jupta Juldyz Shaıahmetova (60 keli) úndistandyq Vınkamen qolǵap túıistirse, segizinshi jupta Dana Dıdaı (75 keli) da sol elden kelgen Sanamacha Chaný Tokchommen kezdesedi. Búgingi jekpe-jekter elorda ýaqytymen 20.00-de bastalady.
Al 23 sáýirde 20.00-de jigitter fınaldyq oıyndaryn bastaıdy. Bul joly birinshi jupta Sanjar Tashkenbaı (49 keli) reseılik Robert Badalıan, úshinshi jupta Erbolat Sabyr (56 keli) úndistandyq Sachınmen sharshy alańǵa shyǵady. Al tórtinshi jupta Elnur Súıinbaı (60 keli) japonııalyq Reıto Tsýtsýmı, besinshi jupta Sabyrjan Aqqalyqov (64 keli) ýkraınalyq Bozorboı Matıakýbovpen kezdesedi.
Aıta keter bolsaq, jastar arasyndaǵy álem chempıonatyna elimiz atynan 20 boksshy attanǵan bolatyn.
