Bokstan álem chempıonaty: Qazaqstandyq jeti boksshy shırek fınalǵa shyqty
NUR-SULTAN. QazAqparat - Búgin Reseıdiń Ekaterınbýrg qalasynda ótip jatqan bokstan álem chempıonatynda sharshy alańǵa shyqqan qazaqstandyq jeti boksshynyń altaýy jarysty jalǵastyratyn boldy, dep habarlaıdy QazAqparat tilshisi.
Buǵan deıin tórt boksshymyzdyń kórsetken oıyny jaıynda habarlaǵan edik.
Kelesi kezekte qazaqstandyq boksshy Abylaıhan Júsipov búgin 69 keli salmaqta Nık Bırden basym tústi. Budan buryn ol 2015 jylǵy álem chempıonatynyń qola júldegeri jáne Azııa chempıony taılandtyq Výttıchaı Masýkty orta jolda qaldyryp ketti.
Taǵy bir boksshymyz Bekzat Nurdáýletov te (81 keli) jarysty jalǵastyrýǵa múmkindik aldy. Ol búgin brazılııalyq Keno Machadony súrindirdi.
Al 91 keliden joǵary salmaqta synǵa túsken Qamshybek Qońqabaev Ispanııadan kelgen Aıýb Gadfany jeńip, jarystyń 1/4 fınalyna joldama aldy.
Sondaı-aq, jarystyń 1/4 fınaldyq satysyna Sáken Bıbosynov (53 keli), Qaırat Erálıev (57 keli), Tursynbaı Qulahmet (75 keli) jáne Vasılıı Levıt (91 keli) joldama alǵan edi. Al Zakır Safıýllın (63 keli) jarys jolynan shyǵyp qaldy.
