Bokstan álem chempıonaty: Qazaqstandyq jastar kimdermen kezdesedi

NUR-SULTAN. QazAqparat - Polshanyń Keltse qalasynda ótip jatqan jastar arasyndaǵy álem chempıonatynda qazaqstandyq boksshylar búgin kezekti jekpe-jekterin ótkizedi, dep habarlaıdy QazAqparat Qazaqstan boks federatsııasyna silteme jasap.

Búgin, 15 sáýirde kúndizgi sessııada Kenje Muratuly (52 keli) ózbek boksshysy Shahzod Muzafarovqa qarsy shyǵady. Al Elnur Súıinbaı (60 keli) Nıkaragýa elinen kelgen Mıkael Ernandespen qolǵap túıistiredi.

Al keshki sessııda qyzdar arasynan Aıshagúl Eleýbaeva (54 keli) men Nurjan Amankeldi (69 keli) sharshy alańǵa shyǵady.

Aıta keteıik, kúndizgi sessııa elorda ýaqytymen 18.00-de keshki sessııa 21.00-de bastalady.

Budan buryn habarlaǵanymyzdaı, 14 sáýirde sharshy alańǵa elimizdiń atynan eki boksshy shyqty. Qazaqstandyq Kenje Muratuly (52 keli) shotlandtyq Lennon Malllıgandy jeńdi. Al Mádı Ámirov (91 keli) ıtalııalyq Lýka Tıstarellıden myqty ekenin dáleldedi. Sondaı-aq, 13 sáýirde qazaqstandyq Erbolat Sabyr alǵashqy kezdesýinde vengrııalyq qarsylasyn qapy qaldyrdy.

Álem birinshiliginde qyzdar arasynda Nazerke Serik (57 keli) mońǵol, Juldyz Shaıahmetova (60 keli) ıtalııalyq qarsylasyn jeńip, jarystyń 1/4 fınalyna shyqty.

Esterińizge sala ketelik, jastar álem chempıonatynda elimizdiń atynan 20 boksshy baq synaýda.

Aıta keteıik, álem chempıonatynda jigitterden Sanjar Táshkenbaı (49 keli), Kenje Muratuly (52 keli), Erbolat Sabyr (56 keli), Elnur Súıinbaı (60 keli), Sabyrjan Aqhalyqov (64 keli), Nurjan Amankeldi (69 keli), Dıas Moljigitov (75 keli), Erasyl Jakpekov (81 keli), Mádı Ámirov (91 keli) jáne Amanat Sabyrǵalı (91 keliden joǵary) cynǵa túsedi.

Al qyzdarda Araılym Marat (48 keli), Gúlnar Turapbaı (51 keli), Aıshagúl Eleýbaeva (54 keli), Nazerke Serik (51 keli), Juldyz Shaıahmetova (60 keli), Mılana Aıýpova (64 keli), Jasmın Qızatova (69 keli), Dana Dıdaı (75 keli), Ásel Saǵatova (81 keli) jáne Eldana Tálipova (81 keliden joǵary) sharshy alańǵa shyǵady.