Bokstan álem chempıonaty: Qazaqstandyq sportshy qarsylasynan jeńilip qaldy

NUR-SULTAN. QazAqparat - Serbııa astanasy Belgrad qalasynda ótip jatqan bokstan álem chempıonatynda búgin el quramasynan Nurlan Saparbaı qarsylasyna ese jiberdi, dep habarlaıdy QazAqparat tilshisi.

Nurlan Saparbaı 92 keliden joǵary salmaqta ıspanııalyq Aıýb Gadfa Drıssımen qolǵap túıistirdi. Jekpe-jek barysynda boksshylar bir-birimen laıyqty qarsylyq kórsetti. Dese de tóreshilerdiń basym bóligi ıspandyq sportshynyń jeńisine qoldaý bildirdi. Osylaısha Nurlan Saparbaı alǵashqy jekpe-jeginde jarys jolynan shyǵyp qaldy.

Sondaı-aq, búgin elorda ýaqytymen 22:00-de keshki sessııada 1/16 fınalda Serik Temirjanov (57 keli) 1/16 fınalda japonııalyq Reıto Tsýtsýmımen sheberlik baıqassa, Abylaıhan Júsipov (67 keli) venesýelalyq Krıstıan Palasıomen kezdesedi. Jankúıerler jekpe-jekterdi «Qazsport» telearnasy arqyly tikeleı efırde tamashalaı alady.

Eske salsaq, ulttyq qurama sapynda Temirtas Júsipov (48 keli), Mahmýd Sabyrhan (54 keli), Samatalı Tóltaev (60 keli), Sanatalı Tóltaev (63,5 keli), Nurbek Oralbaı (80 keli), Aıbek Oralbaı (92 keli) sharshy alańǵa shyqqan joq. Al Sáken Bıbosynov (51 keli), Abylaıhan Júsipov (67 keli), Nurqanat Raıys (75 keli alǵashqy jekpe-jeginde jeńiske jetti. El quramasynan Bek Nurmaǵambet (86 keli) 1/16 fınalda brazılııalyq Keno Machadoǵa ese jiberdi.