Bokstan álem chempıonaty: Qazaqstandyq 10 boksshy sharshy alańǵa shyǵady
NUR-SULTAN. QazAqparat - Polshanyń Keltse qalasynda ótip jatqan jastar arasyndaǵy álem chempıonatynda búgin qazaqstandyq 10 boksshy sharshy alańǵa shyǵady, dep habarlaıdy QazAqparat Qazaqstan boks federatsııasyna silteme jasap.
Olardyń barlyǵy jartylaı fınalǵa shyǵýǵa talasady. Bul Qazaqstan quramasynyń júlde qoryn molaıtýǵa óz septigin tıgizedi. Jekpe-jekter kúndizgi jáne keshki sessııada ótkiziledi. Kúndizgisi sessııa elorda ýaqytymen 18.00-de bastalsa, keshkisi 22.00-de jalǵasady.
Qazaqstandyq boksshylardyń jekpe-jekteri tómendegishe:
Kúndizgi sessııa
A rıngi
8 jup Erbolat Sabyr (56 keli) - Saıdel Ivan Horta Rodrıgez Del Reı (Kýba) 1/4 fınal
10 jup Sabyrjan Aqqalyqov (64 keli) - Darıen Faver Kastro (Kýba) 1/4 fınal
11 jup Dıas Moljigitov (75 keli) - Aleksandr Trofımchýk (Lıtva) 1/4 fınal
14 jup Mádı Ámirov (91 keli) - Vıshal Gýpta (Úndistan) 1/4 fınal
V rıngi
2 jup Aıshagúl Eleýbaeva (54 keli) - Karolına Ampýlska (Polsha)
3 jup Jasmın Kızatova (69) - Melıssa Gemını (Italııa) 1
6 jup Sanjar Tashkenbaı (49) - Ibrohım Ishjonov (Ózbekstan)
Keshki sessııa.
A rıngi
6 jup Dana Dıdaı (75 keli) - Boglarka Varga (Majarstan)
9 para Elnur Súıinbaı (60 keli) - ıÝrı Dos Reıs (Brazılııa)
V rıngi
1 jup Gúlnar Turapbaı (51 keli) - Qulan Altynbek (Mońǵolııa).
Esterińizge sala ketelik, jastar arasyndaǵy álem chempıonatyna elimiz atynan 20 boksshy attanǵan bolatyn.
