Bokstan Álem chempıonaty: Karına Ibragımova jartylaı fınalǵa ótti

ASTANA. QazAqparat - Qazaqstannyń qola júldegeri Karına Ibragımova Úndistannyń Nıý-Delı qalasynda ótip jatqan 2018 jylǵy Álem chempıonatynyń shırek fınalynda óner kórsetti, dep habarlaıdy Sports.kz.

60 kelige deıingi salmaq dárejesindegi básekede qazaqstandyq boksshynyń qarsylasy qytaılyq sportshy Venlıý ıAng boldy. Jekpe-jek qorytyndysy boıynsha tóreshilerdiń sheshimimen qazaqstandyq sportshy jeńiske jetti. 

Nıý-Delıde ótip jatqan áıelder arasyndaǵy Álem chempıonaty 24 qarashaǵa deıin jalǵasady. Onda Qazaqstan quramasynyń atynan on sportshy qatysýda: Áıgerim Qasenaeva (48 keli), Jaına Shekerbekova (51 keli), Dına Jolaman (54 keli), Nazym Işanova (57 keli), Karına Ibragımova (60 keli), Mılana Safronova (64 keli), Aqerke Baqytjan (69 keli), Aıda Ońdash (75 keli), Farıza Sholtaı (81 keli) jáne Lázzat Kúngeıbaeva (81 keliden joǵary).