Bokstan Álem chempıonaty: Qamshybek Qońqabaev kúmis júldeger
+91 keli salmaqtaǵy Qamshybek Qońqabaev fınalda ózbekstandyq Bahodır Djalolovtan utylyp qaldy. Osylaısha, Álem chempıonatynyń kúmis medalin qanjyǵasyna baılady.
Esterińizge sala keteıik, 81 keli salmaqta Bekzat Nurdáýletov bokstan 2019 jylǵy álem birinshiliginiń chempıony atanǵanyn jazǵan bolatynbyz.
Sonymen, bokstan Qazaqstan quramasy Álem chempıonatyn 1 altyn, 1 kúmis, 4 qola medalmen aıaqtady.
Qola medaldi jartylaı fınalda qarsylastaryna ese jibergen Sáken Bıbosynov, Tursynbaı Qulahmet, Vasılıı Levıt jáne Abylaıhan Júsipov ıelendi. Degenmen,
Qazaqstan boks federatsııasy Vasılıı Levıt pen ekvadorlyq boksshy arasyndaǵy jekpe-jektiń qorytyndysyna narazylyq bildirip, AIBA prezıdenti laýazymyn ýaqytsha atqarýshyǵa resmı hat joldady.
Bokstan erler arasyndaǵy Álem chempıonaty Ekaterınbýrg qalasynda 7-21 qyrkúıek kúnderi aralyǵynda ótti. Halyqaralyq Olımpıada komıtetiniń shemimimen týrnır Tokıo Olımpıadasyna irikteý statýsynan aıyryldy. Degenmen, oǵan qatysqan qatysýshylardyń sany erekshe kóp boldy. Atap aıtsaq, 88 elden 467 sportshy keldi. Eki jyl buryn Gambýrgte 85 eldiń 279 boksshysy qolǵap túıistirgen bolatyn.