Bokstan álem chempıonaty: Ivan Dychko brazılııalyq qarsylasyn bet qaratpaı sabady
ASTANA. QazAqparat - Katar astanasy Dohada ótip jatqan bokstan álem chempıonatynda 91 keliden joǵary salmaqta óner kórsetetin qazaqstandyq boksshy Ivan Dychko osy birinshiliktegi alǵashqy jekpe-jegin ótkizdi.
Onyń qarsylasy brazılııalyq Rafael Dýarte Lıma boldy. Qazaqstandyq bylǵary qolǵap sheberi odan úsh raýndta da basym túsip, aıqyn basymdyqpen jeńdi.
Aıta keteıik, búgin álem chempıonatynyń keshki sessııasynda 4 sportshymyz rıngke shyqty. Osyǵan deıin Oljas Sáttibaev bolgarııalyq qarsylasy D.Asenovty, D.Eleýsinov Belarýs bylǵary qolǵap sheberi P.Kastramındi, Á.Nııazymbetov sırııalyq Alaa Gossoýn utyp, shırek fınalǵa joldama aldy. Al keshe Jánibek Álimhanuly kelesi kezeńge ótken bolatyn. Endi olardyń qataryn I.Dychko tolyqtyryp, ¼ fınalda baq synaıtyn boldy.
