Bokstan álem chempıonaty: Fınalynda eki qazaqstandyq judyryqtasady

NUR-SULTAN. QazAqparat - Búgin Reseıdiń Ekaterınbýrg qalasynda ótip jatqan bokstan álem chempıonatynyń fınalynda Qazaqstan quramasynan eki boksshy fınalda judyryqtasady, dep habarlaıdy QazAqparat.

Keshe bokstan álem chempıonatynyń jartylaı fınaldyq básekeleri ótip, nátıjesinde tórt boksshymyz qola medal jeńip alsa, 81 keli salmaqta Bekzat Nurdáýletov pen +91 keli salmaqta komanda kapıtany Qamshybek Qońqabaev fınalǵa shyqqan bolatyn

Aıta ketsek, jartylaı fınalda qarsylastaryna ese jibergen Sáken Bıbosynov, Tursynbaı Qulahmet, Vasılıı Levıt jáne Abylaıhan Júsipov bokstan 2019 jylǵy álem chempıonatynyń qola júldegeri atandy.

Álem chempıonatynyń fınaldyq jekpe-jekteri:

52 keli:

Shahobıddın Zoırov (Ózbekstan) - Pangal Amıt (Úndistan).

57 keli:

Lasaro Alvares (Kýba) - Mırazızbek Mırzahalılov (Ózbekstan).

63 keli:

Endı Krýz (Kýba) - Keıshon Devıs (AQSh).

69 keli:

Andreı Zamkovoı (Reseı) - Pet Makkormak (Anglııa).

75 keli:

Gleb Bakshı (Reseı) - Emır Felıks Marsıal (Fılıppın).

81 keli:

Bekzat Nurdáýletov (Qazaqstan) - Dılshodbek Rýzmetov (Ózbekstan).

91 keli:

Mýslım Gadjımagomedov (Reseı) - Hýlıo Kastılo (Ekvador).

+ 91 keli:

Qamshybek Qońkabaev (Qazaqstan) - Bahodır Djalolov (Ózbekstan).

Fınaldyq básekeler Nur-Sultan ýaqytymen keshki saǵat 17:00-de bastalady.