Bokstan álem chempıonaty: Búgin sharshy alańǵa tórt boksshy shyǵady
NUR-SULTAN. QazAqparat - Serbııa astanasy Belgrad qalasynda ótip jatqan bokstan álem chempıonatynda búgin el quramasynan qazaqstandyq tórt boksshy sharshy alańǵa shyǵady, dep habarlaıdy QazAqparat tilshisi.
Boksshylar kúndizgi jáne keshki sessııada baq synaıdy.
Elorda ýaqytymen 17:00-de bastalatyn kúndizgi sessııada Mahmýd Sabyrhan (54 keli) Ońtústik Koreıadan kelgen s In Kıý Kımmen kezdesse, Aıbek Oralbaı (92 keli) polshalyq Mateýsh Bereznıtskımen qolǵap túıistiredi.
Keshki sessııa 22:00-de bastalady. Bul ýaqytta Samatálı Tóltaev (60 keli) taılandtyq Hýnatıp Pıdnýchpen sheberlik baıqasady.
Al Aslanbek Shymbergenov (71 keli) ózbek sportshysy Shahram Gııasovpen kezdesedi.
Aslanbek budan buryn 1/32 fınalda ırandyq Farhad Moradı Atashgahty tize búktirgen edi.
Eske salsaq, ulttyq qurama sapynda ázirge Temirtas Júsipov (48 keli), Sanatalı Tóltaev (63,5 keli), Nurbek Oralbaı (80 keli) sharshy alańǵa shyqqan joq.
Al Sáken Bıbosynov (51 keli), Nurqanat Raıys (75 keli) alǵashqy jekpe-jeginde jeńiske jetse, Serik Temirjanov (57 keli) jáne Abylaıhan Júsipov (67 keli) jarystyń eki satysyn artta qaldyrdy.
El quramasynan Bek Nurmaǵambet (86 keli) 1/16 fınalda brazılııalyq Keno Machadoǵa ese jiberdi.
Odan keıin Nurlan Saparbaı 92 keliden joǵary salmaqta ıspanııalyq Aıýb Gadfa Drıssıge jol berdi.
Foto: aiba.org