Bokstan álem chempıonaty: Búgin sharshy alańǵa kimder shyǵady

NUR-SULTAN. QazAqparat - Serbııa astanasy Belgrad qalasynda ótip jatqan bokstan álem chempıonatynda búgin, 31 qazanda el quramasynan qazaqstandyq tórt boksshy sharshy alańǵa shyǵady, dep habarlaıdy QazAqparat tilshisi.

Kúndizgi sessııada Mahmýd Sabyrhan (54 keli) shotlandııalyq Mettıý Makheılmen qolǵap túıistiredi. Budan buryn ol Ońtústik Koreıadan kelgen In Kıý Kımdi jeńip ketti .

Jekpe-jekter elorda ýaqytymen 17:00-de bastalady.

Keshki sessııada Samatálı Tóltaev (60 keli) kolýmbııalyq Dývan Sýleta Morenomen sheberlik baıqasady.

Qazaqstandyq budan buryn taılandtyq Hýnatıp Pıdnýchtiń osal tusyn tapty.

Odan keıin Aslanbek Shymbergenov (71 keli) nemis Magomed Shahıdovpen kezdesedi.

Bul - Aslanbektiń úshinshi jekpe-jegi.

Budan buryn ol ırandyq Farhad Moradı Atashgahty, ózbek sportshysy Shahram Gııasovty orta jolda qaldyrdy .

Al Aıbek Oralbaı (92 keli) ózbekstandyq Madııar Saıdrahımovpen sharshy alańǵa shyǵady. Ol buǵan deıin polshalyq Mateýsh Bereznıtskıdi jeńdi.

Bul ýaqyttaǵy jekpe-jekter elorda ýaqytymen 22:00-de bastalady.

Bul saıystardy qazaqstandyq jankúıerler «Qazsport» telearnasynan tikeleı efırde tamashalaı alady.

Álem chempıonatyna el quramasynda 13 boksshy bardy.

Olardyń arasynan Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.