Bokstan álem chempıonaty: Búgin 4 boksshy sharshy alańǵa shyǵady

NUR-SULTAN. QazAqparat - Serbııa astanasy Belgrad qalasynda ótip jatqan bokstan álem chempıonatynda búgin, 30 qazanda el quramasynan qazaqstandyq tórt boksshy sharshy alańǵa shyǵady, dep habarlaıdy QazAqparat tilshisi.

Qazaqstandyq boksshylar kúndizgi jáne keshki sessııada baq synaıdy.

Kúndizgi sessııada Temirtas Júsipov (48 keli) serbııalyq Omer Ametovıchpen qolǵap túıistirse, Nurbek Oralbaı (80 keli) brazılııalyq Isaıas Fılo, Nurqanat Raıys (75 keli) moldovalyq Vlad Gavrılıchpen sheberlik baıqasady. (Moldova)

Al keshki sessııada Sanatáli Tóltaev (63,5 keli) moldovalyq Vasılıı Chebotarmen kezdesedi.

Eske salsaq, keshe Mahmýd Sabyrjan (54 keli) 1/16 fınalda Ońtústik Koreıadan kelgen In Kıý Kımmdi tize búktirdi.

Al Samatáli Tóltaev (60 keli) taılandtyq Hýnatıp Pıdnýchtiń osal tusyn tapsa, Aslanbek Shymbergenov (71 keli) ózbek sportshysy Shahram Gııasovty qapy qaldyrdy.

Odan keıin Aıbek Oralbaı 92 keli salmaqta 1/16 fınalda polshalyq Mateýsh Bereznıtskıdi jeńdi.

Álem chempıonatyna el quramasynda 13 boksshy bardy. Olardyń arasynan Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.