Bokstan Álem chempıonaty: Aıjan Qojabekova jarysty jalǵastyrady

ÝLAN-ÝDE. QvzAqparat - Búgin Reseıdiń Ýlan-Ýde qalasynda ótip jatqan bokstan qyzdar arasyndaǵy álem chempıonatynda qazaqstandyq Aıjan Qojabekova alǵashqy jekpe-jeginde qarsylasynan basym tústi, dep habarlaıdy QazAqparat tilshisi.

Aıjan Qojabekova 57 keli salmaqta sharshy alańda Djenıfer Chengty tize búktirdi. Qazaqstandyq boksshy óz jekpe-jeginde qarsylasyn aıqyn basymdyqpen jeńdi. Tóreshiler biraýyzdan onyń jeńgenin maquldady.

Aıjan Qojabekova 1995 jyly Qaraǵandy oblysy Temirtaý qalasynda dúnıege kelgen. Ol 2016 jyly álem chempıonatynda qola júldeger atanǵan bolatyn.

Esterińizge sala ketelik, budan buryn Darıǵa Shákimova chehııalyq Martına Shmorzanovadan basym tústi.

Aıta keteıik, 3 qazanda Nazym Qyzaıbaı (51 keli) japon sportshysy Namıkı Tsýkımıden, Alýa Balqybekova (48 keli) ózbekstandyq Gúlasal Sýltonalıevadan jeńilip qalǵan edi.

Sondaı-aq, búgin Qazaqstan quramasy sapynan Aqerke Baqytjan (75 keli) sharshy alańǵa shyǵady.

Eske salaıyq, bokstan Qazaqstan qyzdar quramasynyń bas bapkeri Erik Alǵabek Álem chempıonatyna on salmaqta shákirtterin alyp bardy. Olardyń qatarynda Alýa Balqybekova (48 keli), Nazym Qyzaıbaı (51 keli), Dana Jolaman (54 keli), Aıjan Qojabekova (57 keli), Rımma Volosenko (60 keli), Mılana Safronova (64 keli), Darıǵa Shákimova (69 keli), Aqerke Baqytjan (75 keli), Farıza Sholtaı (81 keli) jáne Dına Islambekova (81 keliden joǵary) bar.