Bokstan álem chempıonaty: Aıbek Oralbaı ıtalııalyq boksshydan jeńilip qaldy

ASTANA. QazAqparat - Ózbekstan astanasy Tashkent qalasynda ótip jatqan álem chempıonatynyń besinshi jarys kúninde Aıbek Oralbaı (92 keli) qarsylasyna ese jiberdi, dep habarlaıdy QazAqparat tilshisi.

Ol 1/16 fınalda ıtalııalyq Azız Abbes Mýhııdınmen sheberlik baıqasty. Tóreshiler sheshimimen jeńis qarsylasyna berildi. Osylaısha Aıbek jarys jolynan shyǵyp qaldy.

Aıbek Oralbaı 2022 jyly Azııa chempıony atanǵan. 2018 jyly jasóspirimder arasynda Olımpıada chempıony ataǵyn jeńip aldy.

Al Azız Abbes Mýhııdın - Italııa quramasy sapyndaǵy tájirıbeli boksshy. Byltyr ótken álem chempıonatynda kúmis júldeger atansa, Eýropa chempıony tuǵyryna kóterildi.

Aıbek - el quramasy sapynan jarys jolynan shyǵap qalǵan úshinshi boksshy. Buǵan deıin Talǵat Syrymbetov (60 keli) Sanatálı Tóltaev (63,5 keli) erterek elge qaıtýǵa májbúr boldy.

Eske salsaq, búgin Serik Temirjanov alǵashqy jekpe-jeginde jeńiske jetti.

Sondaı-aq, Nurbek Oralbaı Eýropa chempıonynan basym tústi.