Bokstan álem chempıonaty: Ádilbek Nııazymbetov shırek fınalǵa shyqty
ASTANA. QazAqparat - Katar astanasy Dohada ótip jatqan bokstan álem chempıonatynda 81 keli salmaqta óner kórsetetin qazaqstandyq boksshy Ádilbek Nııazymbetov osy birinshiliktegi alǵashqy jekpe-jegin ótkizdi.
Onyń qarsylasy sırııalyq Alaa Gossoýn boldy. Qazaqstandyq bylǵary qolǵap sheberi odan úsh raýndta da basym túsip, aıqyn basymdyqpen jeńdi.
Aıta keteıik, búgin álem chempıonatynyń keshki sessııasynda 4 sportshymyz rıngke shyǵýy tıis edi. Osyǵan deıin Oljas Sáttibaev bolgarııalyq qarsylasy D.Asenovty, D.Eleýsinov Belarýs bylǵary qolǵap sheberi P.Kastramındi utyp, shırek fınalǵa joldama aldy. Endi olardyń qataryna Ádilbek te qosylyp, ¼ fınalǵa osymen úshinshi boksshymyz shyǵyp otyr.
Aıta keteıik, keshe Jánibek Álimhanuly da qarsylasyn tize búktirip, shırek fınalǵa shyqqan edi. Endi birer sátten keıin Ivan Dychkonyń (91 keliden joǵary) ónerin tamashalaıtyn bolamyz.
