Bokstan álem chempıonaty: Abylaıhan Júsipov jartylaı fınalǵa shyqty

NUR-SULTAN. QazAqparat - Qazaqstandyq boksshy Abylaıhan Júsipov Reseıdiń Ekaterınbýrg qalasynda ótip jatqan álem chempıonatynda jartylaı fınalǵa shyqty, dep habarlaıdy QazAqparat tilshisi.

Abylaıhan Júsipov (69 keli) Domınıkan Repýblıkasynan kelgen Roan Polankomen qolǵap túıistirdi. Tóreshiler qazaqstandyq boksshynyń jeńisine qoldaý bildirdi.

Abylaıhan Júsipov buǵan deıin 1/16 fınalda taılandtyq Výttıchaı Masýkty, odan keıin germanııalyq Nık Bırdi tize búktirgen bolatyn.

Abylaıhan Júsipov 1997 jyly dúnıege kelgen. 2017 jyly Azııa chempıony atansa, sol jyly álem chempıonatynda qola júldeger atandy.

Buǵan deıin qazaqstandyq boksshylar qatarynan Sáken Bıbosynov (52 keli), Tursynbaı Qulahmet (75 keli) jáne Vasılıı Levıt (91 keli) joldama alǵan edi. Al Qaırat Erálıev alǵan jaraqatyna baılanysty ózbek jigiti Mırazızbek Mırzahalılovke jol berdi.