Bokstan álem chempıonaty: Abylaıhan Júsipov taıpeılik qarsylasyn qapy qaldyrdy

NUR-SULTAN. QazAqparat - Búgin Serbııa astanasy Belgrad qalasyndaǵy bokstan álem chempıonatynyń alǵashqy kúninde qazaqstandyq Abylaıhan Júsipov alǵashqy jekpe-jegin ótkizdi, dep habarlaıdy QazAqparat tilshisi.

Abylaıhan 67 keli salmaqta 1/32 fınalda Taıbeıden kelgen ıÝ Lınmen sheberlik baıqasty.

Alań jıegindegi bes tóreshi de biraýyzdan alǵashqy eki raýndta Abylaıhannyń basymdyǵyn moıyndady. Úshinshi raýndta da dál osyndaı jekpe-jek jalǵasty. Nátıjesinde qarsylasyn qapy qaldyryp, 1/16 fınalǵa joldama aldy.

A.Júsipov 1997 jyly dúnıege kelgen. 2017, 2019 jyldarda álem chempıonatynda qola júldeger atansa, 2017 jyly Azııa chempıonatynda kúmis aldy.

Ol bıylǵy álem chempıonatynda ulttyq quramanyń kapıtany mindetin atqarady.

Aıta ketsek, búgin budan buryn qazaqstandyq Serik Temirjanov (57 keli) mońǵolııalyq Enh-Amar Harhýýmdy jeńip, jarysty jalǵastyrýǵa múmkindik aldy.

Eske salsaq, ulttyq quramanyń bas bapkeri Qaırat Sátjanov dúbirli dodada olardan basqa Temirtas Júsipov (48 keli), Sáken Bıbosynov (51 keli), Mahmýd Sabyrhan (54 keli), Samatalı Tóltaev (60 keli), Sanatalı Tóltaev (63,5 keli), Aslanbek Shymbergenov (71 keli), Nurqanat Raıs (75 keli), Nurbek Oralbaı (80 keli), Bek Nurmaǵambet (86 keli), Aıbek Oralbaı (92 keli) men Nurlan Saparbaı (92 keliden joǵary) syndy sportshylarǵa senim artty.