Bokstan álem chempıonaty: 6 mamyrda Aslanbek Shymbergenov pen Dýlat Bekbaýov synǵa túsedi

ASTANA. QazAqparat - Ózbekstan astanasy Tashkent qalasynda ótip jatqan álem chempıonatynyń altynshyjarys kúni, 6 mamyrda el quramasynan eki boksshy rıngke shyǵady, dep habarlaıdy QazAqparat tilshisi.

Qazaqstandyq eki boksshy da elorda ýaqytymen 15:00-de bastalatyn kúndizgi sessııada synǵa túsedi.

B rıngindegi úshinshi jupta 1/16 fınalda Dýlat Bekbaýov (67 keli) rýmynııalyq Andreı Mýstetpen kezdesedi.

Al ulttyq qurama kapıtany Aslanbek Shymbergenov (71 keli) onynshy jupta 1/16 fınalda Trınıdada jáne Tobago elinen kelgen Aaron Prınspen qolǵap túıistiredi.

Aıta ketsek, álem chempıonatynda el quramasynan Talǵat Syrymbetov (60 keli), Sanatálı Tóltaev (63,5 keli) jáne Aıbek Oralbaı (92 keli) erterek jarys jolynan shyǵyp qaldy.

Sondaı-aq, 5 mamyrda Serik Temirjanov (57 keli) pen Nurbek Oralbaı (80 keli) jarysty jalǵastyrýǵa múmkindik aldy.