Bokstan álem chempıonaty: 5 mamyrda qazaqstandyq úsh boksshy baq synaıdy

ASTANA. QazAqparat - Ózbekstan astanasy Tashkent qalasynda ótip jatqan álem chempıonatynyń besinshi jarys kúni, 5 mamyrda el quramasynan úsh boksshy rıngke shyǵady, dep habarlaıdy QazAqparat tilshisi.

Elorda ýaqytymen 14:00-de bastalatyn kúndizgi sessııada Serik Temirjanov (57 keli) 1/16 fınalda Malı elinen kelgen Abdýl Karım Batılımen kezdesedi.

Bul A rınginde sol kúni ótetin alǵashqy jekpe-jek bolyp tabylady.

Al 19:00-de bastalatyn keshki sessııada Nurbek Oralbaı (80 keli) týrnırdegi alǵashqy jekpe-jeginde ázerbaıjandyq Murad Allahverdıevpen A rınginde altynshy jupta qolǵap túıistiredi.

Atalǵan rıngte toǵyzynshy jupta Aıbek Oralbaı (92 keli) álem chempıonatyndaǵy ekinshi jekpe-jeginde ıtalııalyq Azız Abbes Mýhııdınmen kezdesedi.

Ol alǵashqy jekpe-jeginde bolgarııalyq Radoslav Pantaleevti jeńgen edi.

Aıta ketsek, qazirge deıin el quramasynan Talǵat Syrymbetov (60 keli) pen Sanatálı Tóltaev (63,5 keli) jarys jolynan shyǵyp qaldy.

Eske salsaq, 4 mamyrda Qazaqstan quramasynan Sanatalı Tóltaev (63,5 keli) Mavrıkııden kelgen Kolıný Rısharnoǵa ese jiberse, odan keıin Qamshybek Qońqabaev (92 keliden joǵary) reseılik Alekseı Dronovtan basym tústi.