Bokstan álem chempıonaty: 2 qazaqstandyq qyz jartylaı fınalǵa shyqty

NUR-SULTAN. QazAqparat - Reseıdiń Ýlan-Ýde qalasynda ótip jatqan bokstan qyzdar arasyndaǵy álem chempıonatynda qazaqstandyq eki boksshy jartylaı fınalǵa joldama aldy, dep habarlaıdy QazAqparat tilshisi.

Álem chempıonatynda 64 keli salmaqta synǵa túsken Mılana Safronova búgin jartylaı fınalda Melısa Nejdetovamen qolǵap túıistirgen bolatyn. Nátıjesinde tóreshiler qazaqstandyq boksshynyń jeńgeni jóninde uıǵarym jasady.

Mılana Safronova 1991 jyly Qaraǵandy oblysy Saran qalasynda dúnıege kelgen. Ol álem chempıonatynda budan buryn Botsvanadan kelgen Aratva Kasemangty jeńip ketti.

Sondaı-aq, búgin Dına Islambekova 81 keliden joǵary salmaqta sharshy alańǵa shyqty. Ol ıtalıandyq Flavııa Severındi tize búktirdi. Dına Islambekova 2000 jyldyń 10 tamyzynda dúnıege kelgen.

Búgin 10 qazanda shırek fınal oıyndaryn ótkizý josparlanǵan. Al 12 qazanda aqtyq kezdesýler bolady. Al 13 qazanda fınaldyq jarysta jeńimpazdar anyqtalady.

Esterińizge sala ketelik, Álem chempıonatyna qazaqstandyq on boksshy bardy. Búginge deıin olardyń 6-y jarys jolynan shyǵyp qaldy.