Bokstan álem chempıonaty: 2 qazaqstandyq 1/8 fınalǵa shyqty
NUR-SULTAN. QazAqparat - Polshanyń Keltse qalasynda ótip jatqan jastar arasyndaǵy álem chempıonatynda qazaqstandyq eki boksshy 1/8 fınalyna shyqty, dep habarlaıdy QazAqparat Qazaqstan boks federatsııasyna silteme jasap.
Búgin sharshy alańǵa elimizdiń atynan eki boksshy shyqty. Atap aıtqanda, Kenje Muratuly (52 keli) shotlandtyq Lennon Malllıgandy jeńdi. Mádı Ámirov (91 keli) ıtalıandyq Lýka Tıstarellıden myqty ekenin dáleldedi.
Sondaı-aq, keshe qazaqstandyq Erbolat Sabyr alǵashqy kezdesýinde jeńiske jetti. Ol vengrııalyq qarsylasyn qapy qaldyrdy.
Aıta keteıik, álem chempıonatynda elimizdiń atynan Sanjar Táshkenbaı (49 keli), Kenje Muratuly (52 keli), Erbolat Sabyr (56 keli), Elnur Súıinbaı (60 keli), Sabyrjan Aqhalyqov (64 keli), Nurjan Amankeldi (69 keli), Dıas Moljigitov (75 keli), Erasyl Jakpekov (81 keli), Mádı Ámirov (91 keli) jáne Amanat Sabyrǵalı (91 keliden joǵary) cynǵa túsedi.
