Bokstan álem chempıonatynda qazaqstandyq segiz boksshy fınalda synǵa túsedi

ASTANA. KAZINFORM — Anglııanyń Lıverpýl qalasynda World Boxing aıasynda ótip jatqan álem chempıonatynda Natalıa Bogdanova (70 keli) fınalǵa shyqty. 

Otandasymyz jartylaı fınalda anglııalyq Shantel Rıdpen qolǵap túıistirdi.

Birinshi jáne ekinshi raýndta anglııalyq boksshy 3:2 esebimen basym tústi. Úshinshi raýnd Natalıanyń basymdyǵymen aıaqtalyp, fınalǵa joldama aldy.

Osylaısha otandasymyz el quramasynan fınalǵa berilgen segizinshi joldamaǵa qol jetkizdi.

Natalıa Bogdanova 1999 jyly dúnıege kelgen. Qazirge deıin álem chempıonatynda qola alsa, 2022 jyly Azııa oıyndary úzdik úshtikti túıindedi.

Aıta ketsek, budan buryn Nazym Qyzaıbaı (48 keli), Sanjar Táshkenbaı (50 keli), Mahmud Sabyrhan (55 keli), Alýa Balqybekova (51 keli), Tórehan Sabyrhan (70 keli) fınalǵa joldama alǵan edi.

Sondaı-aq ondaı múmkindikke 12 qyrkúıekte Aıda Ábikeeva (65 keli), Aıbek Oralbaı (90 keliden joǵary) ıe boldy.

Al Vıktorııa Grafeeva (60 keli) men Eldana Tálipova (80 keliden joǵary) qola júldeni qanaǵat tutty.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótip jatyr. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.