Bokstan álem chempıonatynda Qazaqstan áıelder quramasynyń qarsylastary anyqtaldy

ASTANA. KAZINFORM - Bokstan World Boxing aıasynda ótetin Anglııanyń Lıverpýl qalasynda ótetin álem chempıonatynynda Qazaqstan áıelder quramasynyń qarsylastary anyqtaldy.

Jerebe nátıjesi boıynsha keıbir salmaqta elimizdiń bylǵary qolǵap sheberleri birden 1/4 fınalǵa shyqsa, taǵy bir toby 1/8 fınalda sharshy alańǵa shyǵatyny anyqtaldy. Sondaı-aq álem chempıonatyn 1/16 fınaldan bastaıtyn otandastarymyz bar.

1/4 fınal:

80 keliden joǵary: Eldana Tálipova (Qazaqstan) - Greıs Bakl (Anglııa) pen Selın Lı-Lo (Novaıa Zelandııa) jubynyń jeńimpazy.

1/8 fınal:

48 keli: Nazym Qyzaıbaı (Qazaqstan) - Lılııa Sheletskıı (Vengrııa) men Lam Hon Kı (Gonkong) jubynyń jeńimpazy;

51 keli: Alýa Balqybekova (Qazaqstan) - Fatma Mansýrı (Aljır) men Mýn Gong (Ońtústik Koreıa);

70 keli: Natalıa Bogdanova (Qazaqstan) - Thokchom Sýprııa Devı (Indııa) men Dıtte Frostholm (Danııa) jubynyń jeńimpazy;

75 keli: Nadejda Rıabets (Qazaqstan) - Van Lına (Qytaı);

80 keli: Gúlsaıa Erjan (Qazaqstan) - Iveta Lesınskıte (Lıtva).

1/16 fınal:

54 keli Elına Bazarova (Qazaqstan) - Nıgına Ýktamova (Ózbekstan);

57 keli: Karına Ibragımova (Qazaqstan) - Panagıta Kýzılý (Grekııa);

60 keli: Vıktorııa Grafeeva (Qazaqstan) - Sadıký D (Kosovo);

65 keli: Aıda Ábikeeva (Qazaqstan) - Anna Lýtsa Hamorı (Vengrııa).

World Boxing uıymynyń aıasynda alǵash ret Lıverpýl (Anglııa) qalasynda ótetin álem chempıonatyna 68 elden barlyǵy 554 (erler - 329, áıelder - 225) keldi.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótkiziledi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.