Bokstan álem chempıonatynda Ertýǵan Zeınýlınov ekinshi jeńisine jetti

ASTANA. KAZINFORM - Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda 8 jeltoqsanda el quramasynan Ertýǵan Zeınýlınov (63.5 keli) sharshy alańǵa shyqty.

Qazaqstandyq bylǵary qolǵap sheberi bul joly beıarap eldiń ókili Hose Manýel Agýıre Krýzben qolǵap túıistirdi. Jekpe-jek barysynda ol qarsylasynan 5:0 esebimen basym tústi. 

Otandasymyz úshinshi raýndta qarsylasyn nokdaýnǵa jiberdi.

Ertýǵan budan buryn mońǵolııalyq Davaadal Altangereldi jeńgen edi. 

Aıta ketsek, budan buryn Sáken Bıbosynov (54 keli) tanzanııalyq Fakı Issa Fakıdi tize búktirdi.

Endi el quramasynan búgin taǵy tórt boksshy sharshy alańǵa shyǵady.

Qazaqstandyq boksshylar qatarynan endi kúndizgi sessııada Dáýlet Tólemisov (86 keli) ózbekstandyq Akmaljon Isroılovpen kezdesedi.

Al keshki sessııada Danııal Sábıt (51 keli) Lenık Fernandes (Kabo-Verde), Orazbek Asylqulov (57 keli) Mýkelo Dlamını (Esvatını), Abylaıhan Júsipov (71 keli) Aleksandr Radıonov (Belarýs) syndy qarsylastarymen sharshy alańǵa shyǵady.

Sondaı-aq 8 jeltoqsanda el quramasynan Temirtas Júsipov (48 keli), Serik Temirjanov (60 keli), Sanatáli Tóltaev (67 keli), Sabyrjan Aqqalyqov (75 keli), Nurlan Saparbaı (92 keliden joǵary) shırek fınalǵa shyqty.

Al Erasyl Jaqpekov (80 keli), Nýrmagamed ıÝsýpov (92 keli) qarsylasyna ese jiberdi.