Bokstan álem chempıonatynda 7 qyrkúıekte Qazaqstan quramasynan kimder shyǵady

ASTANA. KAZINFORM - Anglııanyń Lıverpýl qalasynda ótip jatqan álem chempıonatynda búgin, 7 qyrkúıekte Qazaqstan quramasynan bes boksshy sharshy alańǵa shyǵady.

Otandastarymyz kúndizgi jáne keshki sessııada synǵa túsedi. Olardyń ekeýi kúndizgi, úsheýi túngi sessııada kúsh synasady.

Jekpe-jekter kestesi:

Kúndizgi sessııa. (qazaqstandyq ýaqytpen 15:00–de) 

• 55 keli. Mahmud Sabyrhan - Braıan Ortıs (Meksıka)
• 80 keli. Nurbek Oralbaı v- Matvı Rajba (Ýkraına)

Keshki sessııa (qazaqstandyq ýaqytpen 22:00–de) 

• 57 keli. Karına Ibragımova - Elıs Glın (Anglııa)
• 70 keli. Natalıa Bogdanova - Sanamacha Chokchom (Danııa)
• 65 keli. Ertýǵan Zeınýlınov - Hýgo Graý (Frantsııa).

Dúbirli doda 4-14 qyrkúıek aralyǵynda ótkiziledi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.